Muromachi Aroan (1336-1573), Ashitaka, Emishi printzipea dena, herriaren aurka egin nahi duen munstro (Nago) batekin borrokatzean zaurituta geratzen da. Zauri horrek madarikazio bat du eta sendabide bila, Nagoren bizilekurantz doa. Hor hiru indar daude borrokan. Basoko animaliak, non Mononoke neska otsoekin bizi den; herritarrak, burdin labeen bidez bizirauten dutenak eta burdin bila basoko zuhaitzak moztu behar dituztenak eta Samuraiak, herria harpilatu nahi dutenak. Animazio japoniarreko pelikula onenetarikoa (edo onena).

Hirugarren film honetan protagonistaren aita (hau ere arkeologoa) bahitu egiten dute Grial Santua bilatzen ari zen bitartean. Indiana Jonesek misio bikoitza dauka beraz: aita erreskatatzea eta Grial Santua aurkitzen saiatzea.

Uda amaiturik, Harryk bere osaba-izeben etxe itogarritik alde egiteko abagunerik ez du aurkitzen. Halako batean Dobby azalduko zaio logelan, elfo domestikoa. Honek ohartarazpen beldurgarria egingo dio: Hogwartsera itzuliko balitz egundoko arriskupean egongo litzateke. Elforen ahaleginak ahalegin, Ron eta bere anaiek auto hegalari batez erreskatatuko dute Harry, zeina Weasleytarren etxe goxoan besozabalik hartuko duten.