Нарэшце вынайдзена машына, якая дазваляе пазбавіцца ад любых успамінаў. Джоэль і Клементына вырашаюць выкінуць адзін аднаго з галавы. Але ў памяці Джоэля ўсё яшчэ жывыя самыя пяшчотныя моманты іхніх пачуццяў. Чым менш ён памятае, тым больш кахае. Разумеючы, што ён вельмі кахае Клементыну, Джоэль спрабуе знайсці спосаб, каб вярнуць каханай памяць пра мінулае. Пакуль яшчэ не вельмі позна... Ён павінен перамагчы ненавісны кампутарны мозг што б там ні здарылася!

Лос - Анджэлес. Правінцыйная афіцыянтка Мэґі Фіцджэралд марыць аб прафесійным боксе і хоча, каб яе трэнаваў дасведчаны Фрэнкі Дан. Фрэнкі катэгарычна адмаўляецца працаваць з ёю: ён не трэнуе дзяўчат, і да таго ж 31 - гадовая Мэґі застарая для боксу. Але дзякуючы велізарнаму жаданню і неймавернай працаздольнасці, а таксама таемнаму падтрыманню найлепшага сябра Фрэнкі на мянушку Лом, Мэґі дамагаецца свайго.

Амерыканская навукова-фантастычная неануар-антыўтопія 1982 года. Пераробленая экранізацыя рамана Філіп К. Дзіка 1968 года "Ці мрояць андроіды пра электраавечак". Фільм паказвае Лос-Анджэлес лістапада 2019 года, у якім генетычна спраектаваныя рэпліканты, на выгляд неадрозныя ад людзей, вырабляюцца магутнай карпарацыяй Тайрэл і іншымі мега-карпарацыямі па ўсім свеце. На Зямлі рэпліканты забаронены, іх выкарыстоўваюць толькі для небяспечных ці брудных задач у калоніях Знешняга Свету. Рэплікантаў, якія збягаюць на Зямлю, высочваюць і забіваюць ("адпраўляюць у адстаўку") асобныя атрады паліцэйскіх, так званых "бегуноў па лязе" - блэйдранераў (Blade Runners). Сюжэт паказвае рызыкоўную групу рэплікантаў, што нядаўна ўцяклі і хаваюцца ў Лос-Анджэлесе, і спрактыкаванага блэйдранера Рыка Дэкарда, які неахвотна згаджаецца прыбраць іх.