Sofi-ren istorioa kontatzen digun filma. Madarikazio baten erruz, atso zahar baten itxura hartuko du neskatxak. Madarikazioa konpondu nahian, txorimalo baten laguntza aurkituko du, Gaztelu Ibiltarira eramango duena (airean mugitzeko gaitasuna duen jauregi/gailu bat). Hango nagusi Hauruk eta bere suzko deabrutxoak, Kaltziferrek, lagunduko diote Sofiri. Era berean, bi herrialderen arteko gerra arriskua ere kontatzen du filmak, nolabaiteko steam-punk estetika Miyazakiren estilo zoragarriarekin nahastuta.

1926. urtea. Mundu osoan zehar bidaiatu du Newt Scamander gazteak, izaki magiko ugari aurkitu eta dokumentatzeko. New Yorkera iristean geldialdi labur bat egiteko zuen, baina izaki fantastiko batzuk maletatik ihes egingo diote eta honek mundu magikoa eta Muggle mundua arriskuan jarriko ditu. J.K. Rowling, Harry Potter sagaren sortzailearen eskutik datorren spin-offa.