Muromachi Aroan (1336-1573), Ashitaka, Emishi printzipea dena, herriaren aurka egin nahi duen munstro (Nago) batekin borrokatzean zaurituta geratzen da. Zauri horrek madarikazio bat du eta sendabide bila, Nagoren bizilekurantz doa. Hor hiru indar daude borrokan. Basoko animaliak, non Mononoke neska otsoekin bizi den; herritarrak, burdin labeen bidez bizirauten dutenak eta burdin bila basoko zuhaitzak moztu behar dituztenak eta Samuraiak, herria harpilatu nahi dutenak. Animazio japoniarreko pelikula onenetarikoa (edo onena).
Bere osaba-izeben etxean opor gogaikarriak oraindik bukatu ez, eta Harry inoiz baino urduriago dago. Ron eta Hermionen berririk apenas izan duen, eta Hogwarts-en zerbait misteriotsua gertatzen ari ote den susmoa harturik dago. Izan ere, behin behar eta, azkenean magia eta aztikeriako ikastetxean ikasturte berria hastearekin bat, haren barneko susmorik beldurgarrienak egia bihurtuko dira.
Lurralde magiko batekin muga egiten duen herrixka ingeles batean, Tristan gaztea zerutik eroritako izar baten bila hasi da, Victoriaren bihotza bereganatzeko. Benetako odisea batek herrialde misteriotsu batera eramango du, eta han aurkituko du izarra. Baina beste batzuk ere izarraren bila dabiltza: erregearen lau semeak eta Lamia, gaztaroa berreskuratu nahi duen sorgin maltzurra.
Sorginak, ipotxak eta botere magikoak nahasten dituen Erdi Aroko ipuina. Bavmorda sorgin eta erregina gaiztoaren gazteluko mazmorretan, preso batek neskato bat erdituko du. Profezia zahar baten arabera, sorginaren erregealdiari amaiera emango dio neskato honek. Emaginak neskatoa sorginaren amorrutik salbatu nahiko du, baina gazteluko txakurrak atzetik dituela, sehaska ibaira bota beste aukerarik ez du izango. Korronteari esker, ipotxen herri batera iritsiko da sehaska, eta han Willow ausartak adoptatuko du neskatoa.
Alagaësia eskualdeko baso mitiko batean, Eragon baserritar gazteak harri urdin eder eta bitxi bat aurkitu du. Familiak negu gogorra igaro ahal izateko, mutikoak harria janariagatik aldatzea erabakiko du, baina harrituta ikusiko du herensuge bat jaiotzen zaiola harritzat zuen arrautzatik.