Bugs Bunnyk eta bere taldeak Nerdlucks (estralurtar txikien talde bat) saskibaloi partida bati desafio egiten diote Looney Tunes taldea Lurrean geratu edo urruneko galaxia batera joan erabakitzeko, Tontolandia mendiko jolas-parke batean lan egiteko. Nerdlucksek arma sekretu boteretsu bat dute, nagusi egiten dituena: NBAko izarren ezaugarri onenak bereganatu dituzte (Charles Barkley eta Patrick Ewing). Baina Looneytarrek ere arma sekretu bat dute: Michael Jordan!
Danielek Miyagi jaunarekin haren sorterrira bidaiatuko du, Okinawara. Baina Daniel gaztearentzat mundu berri eta exotiko baterako bidaia da, honetan ordurarte ezagutzen ez zituen bere maisuaren iraganeko gauzen berri izango du. Aldiz, Miyagirentzat hiltzorian dagoen bere aita azkeneko aldiz ikusi eta nerabetzaroko neskaladuna zuen Yukirenganako maitasuna berreskuratzeko aukera izango da. Gainera, Miyagiren itzulerak bere iraganeko arerioa zen Satorekin etsaitasuna berpiztea suposatuko du, etsaitasun honek Daniel bera ere kulturen arteko talka eta borroketara bultzaraziko du. Orain, karate txapelketatetaik, ikuslegoaren energiatik nahiz sortetxeko segurtasunetik urruti dagoela, Danielek bere erronka handienari aurre egin beharko dio, maisua ikasle bilakatu eta ohorearen salneurria bizitza bera bihurtu baita.
Juliek gurasoak galdu zituen umea zela. Orain, hamazazpi urterekin, nerabe zaila bihurtu da, eta amonak Miyagi jaunaren babespean aste batzuk uztea erabakitzen du, bere jarrera zuzentzen saiatzeko. Baina 'Alpha Elite'ren helburu bihurtuko da Julie, bere institutuan diziplina militarra darabilen taldea, eta hari aurre egiten ikasi beharko du.