Daniel Larusso Los Angelesera iritsi da ekialdeko kostatik, lagun berriak egiteko asmoz. Hala ere, Kobren erasoen jomuga bihurtu da. Karateko ikasle-talde etsai bat da Kobrak, eta taldeko buruzagiaren neska-lagun ohi Alirekin irteten hasi da. Egoera horretan, borroka-arteen maisu bati (Miyagi) laguntza eskatu besterik ez du, karatea erakuts diezaion. Miyagiren babespean, Danielek bere gaitasun fisikoak ez ezik, oztopo guztiak gainditzeko behar duen segurtasuna ere garatuko du.
Lunatix gerlari gazte ausart eta erromantikoak Irina printzesa greziarra maite du. Horregatik, Brutusi erronka botako dio eta, Irinarekin ezkontzeko asmotan, bere aurka lehiatuko da Olinpiar Jokoetan. Asterixek, Obelixek eta Lunatixek probak gainditu beharko dituzte Panoramixen edabe magikoak lagunduta, eta Cesarri irakatsia eman.