Henry Hill, New York hiriko Brooklyn barrutiko irlandar aita eta siziliar ama eta mafiako kide izateko irrikia duen gaztea da. Hamalau urterekin amets hori egi bilakatu du, Lucchese familiako Paulie Cicero buruzagiaren konfiantzazko mutila bihurtu baita. Buruzagiak hainbat betebehar aginduko dizkio, azkenean auzoko mafiaren antolaketan bere postua sendotzea lortuko duelarik. Azkenean auzoko mafiako estatubatuar-irlandar buruzagia den Jimmy Conway eta Tommy de Vito estatubatuar-italiarraren adiskide bilakatuko da, piskanaka-piskanaka gero eta negozio zikinagoetan barneratuko delarik.

AEB, Illinois estatuko Winnetka udalerria. Kevin McAllister (Macaulay Culkin) kide ugariko familia bateko zortzi urtetako mutikoa ezustean etxean bakarrik gelditu da, bere familia osoa Frantziara oporrak pasatzera joan denean etxean laga baidute. Kevinek bere kaxaz baliatzen ikasi eta bere etxea nahiz auzoko gainontzeko itxitako etxebizitza guztiak lapurtzeko asmoa duten Harry eta Marv (Joe Pesci eta Daniel Stern) lapur aldrebesei aurre egin beharko die. Amak (Catherine O'Hara) semea faltan bota bezain laister, Kevinen bila itzultzeko Chicagorako hegaldia hartuko du.

Eguberrietan, Kevin McCallister (Macaulay Culkin) mutikoa eta bere familia oporrak igarotzeko hegazkin bat hartzear daude, baina Kevin nahastu eta New York hirira eramango duen hegazkinera igoko da, bertan bere burua bakar-bakarrik eta inoren laguntzarik gabe aurkituz.