DJ izeneko mutilak txikitatik zekien Nebbercracker etxeak, han, kalearen bestaldean, bazuela gauza arraroren bat. Egun batez etxea munstro bihurtu da, bizia hartu du, eta DJk bere lagun Chowderri eta Jennyri eskatu die laguntza etxe bizidun horren sekretua aurkitzeko. Nola ez dakitela, hiru lagunak borroka latz batean murgildu dira. Izaki izugarri bat da euren arerioa, eta helburua, euren auzoa suntsipenetik salbatzea.
Brown anai-arrebek, munduko haur bihurrienek, ama galdu berri dute, eta aitari ezinezko zaio haiek zaintzea eta herriko ehorztetxean lan egitea. Gainera, izeba Adelaide emakume autoritario eta bihozgabeak, ordura arte diruz eman dien laguntza kentzeko mehatxua egin die aita hilabete barru ezkontzen ez bada.
Babe hirira joango da Esme, bere ugazaba andrearekin. Etxaldea pairatzen ari den estualdi ekonomiko larriei aurre egitea dute helburu eta horretarako, Babek ardi-zakur lehiaketa batean parte hartu behar du eta saria irabazi. Baina laster jabetuko dira hiria arrisku izugarriz betea dagoela.