Harry Potter eta bere adiskideak Hogwarts ikastetxean hirugarren ikasturtea hasi bezain azkar misterio batekin topo egingo dute: Azkaban aztientzako espetxetik Sirius Black presoak ihes egin berri du, Lord Voldemorten kide arriskutsua, eta Harry Potteretaz mendekatzeko asmoa du. Azti ikasle gaztetxoak ein handi batean Sirius espetxeratu zezaten lagundu zuen, beraz Harryk beldurra izateko arrazoiak soberan ditu.
Harry Potter mutiko famatua da, bere gurasoengatik. Gurasoak hil zirenez, bere osaba-izeba eta bere lehengusu Dudley-kin biziko da, baina etxe horretan inork ez du Harry maite. Bere izeba eta Harryren ama, ez ziren oso ondo konpontzen eta horren ondorioz, Harryri kalte egingo dio. Harry Potterren egun guztiak berdintsuak dira, baina egun batean gutun bat helduko zaio, Hogwarts eskolan onartuko dutela jakinaraziko diote. Momentu horretatik Harryren bizitzak bira handi bat emango du. Eskola hartan benetako lagunak egingo ditu eta magia egiten ikasiko du.
Ume aztiaren laugarren atala Quidditch-eko nazioarteko koparekin hasiko da. Cho Chang-enganako erakarpenaren hastapena kontatuko da, hala nola magiako ikastaro berri bat, non egundoko ezusteak Harry berebiziko arriskuei aurre egitera behartuko duen. Hiru eskolen arteko magia lehiaketa bat ere izango da, baita "Aipatua-ere-izan behar ez duen-haren" etorrera beldurgarria ere.
Bazen behin zingira batean bizi zen Shrek izeneko ogro bat. Halako batean, bere bakardade baliotsua galtzen du, ipuinetako pertsonaia gogaikarriek bere pantanoa inbaditu baitute, erreinua utzi behar izan baitute, Lord Farquad printzeak behartuta. Euren erreinura bueltatzeko asmoz, Shrekek Farquaadekin hitz egitera behartuta dago, berak errege izaten saiatzen den bitartean.
Uda amaiturik, Harryk bere osaba-izeben etxe itogarritik alde egiteko abagunerik ez du aurkitzen. Halako batean Dobby azalduko zaio logelan, elfo domestikoa. Honek ohartarazpen beldurgarria egingo dio: Hogwartsera itzuliko balitz egundoko arriskupean egongo litzateke. Elforen ahaleginak ahalegin, Ron eta bere anaiek auto hegalari batez erreskatatuko dute Harry, zeina Weasleytarren etxe goxoan besozabalik hartuko duten.
Hamasei urte bete berriak dituela, Harryk seigarren kutsoari ekiten dio Hogwartsen, noiz eta gertakari izugarriek ingalaterra astintzen duten garaian. Quidditch taldeko kapitaina izendaturik, entrenamenduek, azterketek eta neskek haren denbora guztia betetzen diote. Hala ere, ustezko lasaitasuna ez da luzarokoa izango. Eskola babesten duen seguritate krontola nahikoa ez, nonbait, eta bi ikaslek eraso bortitza nozitzen dute. Dumbledorrek badaki berandu gabe profezia bete egingo dela, hots, Harry eta Voldemort hil ala bizi borrokatuko diren unea gertu dela, alegia.
Bere osaba-izeben etxean opor gogaikarriak oraindik bukatu ez, eta Harry inoiz baino urduriago dago. Ron eta Hermionen berririk apenas izan duen, eta Hogwarts-en zerbait misteriotsua gertatzen ari ote den susmoa harturik dago. Izan ere, behin behar eta, azkenean magia eta aztikeriako ikastetxean ikasturte berria hastearekin bat, haren barneko susmorik beldurgarrienak egia bihurtuko dira.
AEB, Illinois estatuko Winnetka udalerria. Kevin McAllister (Macaulay Culkin) kide ugariko familia bateko zortzi urtetako mutikoa ezustean etxean bakarrik gelditu da, bere familia osoa Frantziara oporrak pasatzera joan denean etxean laga baidute. Kevinek bere kaxaz baliatzen ikasi eta bere etxea nahiz auzoko gainontzeko itxitako etxebizitza guztiak lapurtzeko asmoa duten Harry eta Marv (Joe Pesci eta Daniel Stern) lapur aldrebesei aurre egin beharko die. Amak (Catherine O'Hara) semea faltan bota bezain laister, Kevinen bila itzultzeko Chicagorako hegaldia hartuko du.
Asmatzaile batek Billy semeari izaki samur eta bitxia da oparitu dio, mogwai bat. Opari xalo hau, ordea, Estatu Batuetako herri txiki bateko gaiztakerien olatuaren jatorria izango da. Mogwai bat zaintzeko oinarrizko hiru arauak hausten direnean hasten da dena: ez bustitzea, eguzkiaren argiak ez ematea, eta garrantzitsuena, gauerditik aurrera ezer ez jatea.
Peter Pan hazi egin da eta orain ospe handiko abokatua dugu. Ez du bere haurtzaroko deus ere gogoratzen, baina Kako kapitainak bere seme-alabak bahitzen dituenean, Inoiz Ezko lurralde liluragarrira itzuli beharko du haien bila. Han, Kanpaitxo maitagarriaren laguntzaz, seme-alabak ezezik behiala izan zen haurra ere berreskuratzeko aukera izango du.
Eguberrietan, Kevin McCallister (Macaulay Culkin) mutikoa eta bere familia oporrak igarotzeko hegazkin bat hartzear daude, baina Kevin nahastu eta New York hirira eramango duen hegazkinera igoko da, bertan bere burua bakar-bakarrik eta inoren laguntzarik gabe aurkituz.