Lurralde magiko batekin muga egiten duen herrixka ingeles batean, Tristan gaztea zerutik eroritako izar baten bila hasi da, Victoriaren bihotza bereganatzeko. Benetako odisea batek herrialde misteriotsu batera eramango du, eta han aurkituko du izarra. Baina beste batzuk ere izarraren bila dabiltza: erregearen lau semeak eta Lamia, gaztaroa berreskuratu nahi duen sorgin maltzurra.
Mundu paralelo batean gertatzen den abentura fantastiko honetan, pertsonen arimak animalia txiki moduan ageri dira, borroka egiten duten hartz berritsuak daude eta era misteriotsuan desagertzen diren umeak ere bai. Bertan, Lyra izeneko 12 urteko neskato batek Roger lagun mina aurkitzeari eta erreskatatzeari ekingo dio, eta, horretan ari dela, bere mundua eta gurea salbatzeko ahalegina egingo du.