Luke Skywalker gazteak (Mark Hamill) indarrak biltzen ditu zaldun Jedi batekin (Alec Guiness), pilotu harro batekin (Harrison Ford), giza itxurako tantai iletsu batekin eta bi androiderekin, unibertsoa salbatzeko Inperioaren guda-estazio boteretsuaren mehatxutik. Horrekin batera, Leia printzesa (Carrie Fisher) aurkitu eta askatu beharko dute Darth Vader gaiztoaren atzaparretatik.

Luke Skywalker eta Leia printzesa Tatooinera Han Solo askatzera joateko galaxia guztiko gangster beldurgarriena den Jabba the Hutten ezkutalekura doaz. Behin hiruak berrelkartuta, taldeak indar inperialen aurka borrokatzeko asmoz Endorreko ilargiko basoetan bizi diren ewok izakiak erreklutatzen dituzte. Bienbitartean, Enperadoreak eta Darth Vaderek Luke alde ilunera erakartzeko azpilanean dabiltza, baina gazteak bere aitaren Jedi espiritua berpizteko borondatea du. Gerra zibila indar errebeldeen eta babesgabe eta osatzeke dagoen bigarren Izar Hiltzailearen arteko borrokan amaitzen da, eta gudu honek galaxiaren patua erabakiko du.