Кожнае дзіця верыць, што калі яно пакідае свае цацкі аднымі, яны пачынаюць займацца сваімі справамі. І гэты мультфільм дазваляе ім пераканацца ў сваёй праваце. Асноўная ідэя фільма - кожная цацка баіцца надакучыць, стаць забытаю, быць замененай іншаю, так як увесь сэнс іх існавання - рабіць сваіх маленькіх гаспадароў шчаслівымі.
У далёкай казачнай кpаіне жоpсткі валадаp Фаpкўад забаpаніў усе казкі і выгнаў казачных геpояў. Яны вымушаныя пасяліцца на балоце, дзе жыве самотны людажэp Шpэк. Шрэку не спадабалася шумная кампанія новых суседзяў – асабліва балбатун Аслюк, які настойліва хоча пасябраваць са Шрэкам. Каб вярнуць сваё балота і былы спакой, Шрэк выпраўляецца да валадара Фаркўада. Але той згодны вярнуць балота толькі пры адной умове: Шрэк вызваліць для яго каралеўну Фіёну. Шрэк і Аслюк выпраўляюцца ў падарожжа, поўнае прыгод і нечаканасцяў...
Зялёная пачвара-людажэр Шрэк вяртаецца! Гэтым разам яму давядзецца здзейсніць падарожжа ў Трыдзясятае валадарства, прасіць і не атрымаць каралеўскага блаславення на шлюб з Фіёнай, пасябраваць з наёмнікам-забойцам Катом у ботах, трапіць на фабрыку чароўных зёлак Феі Хроснай, сядзець у турме, браць штурмам замак на гіганцкім перніку — і ўсё дзеля кахання да Фіёны. Суправаджаць Шрэка ў падарожжы будуць балбатлівы Аслюк і Кот у ботах - халодны ў баі, але з гарачым сэрцам.
Калі Джордж папрасіў сваіх бацькоў усынавіць яму маленькага браціка, радзіна Літл успрыняла ягоную просьбу надзвычай літаральна. İ ў адзін дзень у іх вялікім доме з'явілася... малюсенькае мышаня Сцюарт, апранутае ў модны строй і якое да таго ж умее размаўляць! Адгэтуль пачынаюцца непрадказальныя, вясёлыя, а часам і небяспечныя прыгоды Маленькага Сцюарта. На маляня палююць усе каты ваколіцы, яго выкрадаюць бандыты, і каб вярнуцца дадому, новаму чальцу сям’і давядзецца стаць сапраўдным героем!..