У далёкай казачнай кpаіне жоpсткі валадаp Фаpкўад забаpаніў усе казкі і выгнаў казачных геpояў. Яны вымушаныя пасяліцца на балоце, дзе жыве самотны людажэp Шpэк. Шрэку не спадабалася шумная кампанія новых суседзяў – асабліва балбатун Аслюк, які настойліва хоча пасябраваць са Шрэкам. Каб вярнуць сваё балота і былы спакой, Шрэк выпраўляецца да валадара Фаркўада. Але той згодны вярнуць балота толькі пры адной умове: Шрэк вызваліць для яго каралеўну Фіёну. Шрэк і Аслюк выпраўляюцца ў падарожжа, поўнае прыгод і нечаканасцяў...
Зялёная пачвара-людажэр Шрэк вяртаецца! Гэтым разам яму давядзецца здзейсніць падарожжа ў Трыдзясятае валадарства, прасіць і не атрымаць каралеўскага блаславення на шлюб з Фіёнай, пасябраваць з наёмнікам-забойцам Катом у ботах, трапіць на фабрыку чароўных зёлак Феі Хроснай, сядзець у турме, браць штурмам замак на гіганцкім перніку — і ўсё дзеля кахання да Фіёны. Суправаджаць Шрэка ў падарожжы будуць балбатлівы Аслюк і Кот у ботах - халодны ў баі, але з гарачым сэрцам.
Маленькі герой Амерыкі ўладкоўвае вялікі перапалох у Нью-Ёрку! Кевін Мак-Калістэр вярнуўся! Але цяпер ён адзін не дома, а ў Нью-Ёрку і ў яго дастаткова грошай і крэдытных картак, каб ператварыць Вялікі Яблык ва ўласную пляцоўку для гульняў. Але, як заўсёды, Кевіну не наканавана быць доўга аднаму, яго старыя прыяцелі, жулікі Гары і Марв, збеглі з турмы, куды яны патрапілі дзякуючы Кевіну. І трэба ж ім было трапіць менавіта ў той горад, дзе Кевін планаваў пазабаўляцца. Новыя пасткі ўжо чакаюць бандытаў-няўдачнікаў.
Кароль-жаба памірае. Шрэк перад выбарам: заняць месца караля альбо паехаць шукаць сапраўднага нашчадка. Але юнаку Артуру не надта хочацца станавіцца каралём. У гэты час Чароўны Прынц будуе злыя планы наконт Каралеўства. Ці ўдасца Шрэку паладзіць з хлопцам ды выратаваць дзяржаву?